60 124
Download Bookhungama App

देश विदेशच्या परीकथा – ब्रिटन - मालती दांडेकर

Description:

परीकथा म्हणजे जादूगारांच्या, यक्षपर्या , चेटकिणी यांच्या, बोलक्या अद्भुत प्राण्यांच्या व अद्भुताहून अद्भुत जादुमय वस्तूंच्या कथा. यात शूर नायक व सुंदर नायिका तर असणारच ! या कथा अद्भुत असल्या तरीही मोठ्या चित्तवेधक असतात, इतकेच नव्हे तर त्यातूंन नीतिबोधाची व माणुसकीचीही शिकवण असते. भारतात प्रांतोप्रांती या कथा आहेत, आणि महत्वाची गोष्ट अशी की, भारताप्रमाणेच जगातल्या प्रत्येक देशात व जमातीत अगदी वन्य जमातीतही या अशा रंजक परीकथा आहेत. त्या तेथेही फार प्राचीन काळापासून चालत आलेल्या आहेत. त्याच या देशविदेशच्या परीकथा !



मनोगत बालमित्रांनो,लोककथा म्हणजे काय हे तुम्हाला आता नीट माहीत झालेले आहेच! तुम्ही लहानपणी आपल्या वडिलधार्या मंडळींकडून कितीक छान-छान गोष्टी ऐकल्या असतील. पशुपक्ष्यांच्या, चातुर्याच्या, गमतीच्या आणि शौर्यकराक्रमाच्या, त्या सगळ्या लोककथाच. यांतलाच एक मुख्य भाग परीकथांचा, म्हणजे अद्भुतरम्य कथांचा असे. खरे ना ? परीकथा म्हणजे जादूगारांच्या, यक्षपर्यां, चेटकिणी यांच्या, बोलक्या अद्भुत प्राण्यांच्या व अद्भुताहून अद्भुत जादुमय वस्तूंच्या कथा. यात शूर नायक व सुंदर नायिका तर असणारच ! या कथा अद्भुत असल्या तरीही मोठ्या चित्तवेधक असतात, इतकेच नव्हे तर त्यातूंन नीतिबोधाची व माणुसकीचीही शिकवण असते. भारतात प्रांतोप्रांती या कथा आहेत, आणि महत्वाची गोष्ट अशी की, भारताप्रमाणेच जगातल्या प्रत्येक देशात व जमातीत अगदी वन्य जमातीतही या अशा रंजक परीकथा आहेत. त्या तेथेही फार प्राचीन काळापासून चालत आलेल्या आहेत. त्याच या देशविदेशच्या परीकथा ! या दूरदूरच्या देशांतल्या लोकांचा धर्म, राहणी, संस्कृती ही वेगवेगळी तसेच तेथली भौगोलिक रचना, पीकपाणी-सारे कसे निराळेच ! या निराळेपणाच्याही आकर्षक छटा तुम्हाला या कथांतून दिसतील व कथांइतक्याच त्याही तुम्हाला खात्रीने आवडतील. ब्रिटिश बेटे म्हटले की त्यात इंग्लंड, स्कॉटलंड व आयर्लंड या तिन्ही प्रांतांचा समावेश होतो. या सर्व देशांतल्या परीकथा सुंदर व रंजक आहेत. काही इंग्लिश परीकथा तर अतिशय बालप्रिय झाल्या असून त्यांचे अनेक भाषांत रुपांतर झालेले आहे. उदा. जादूचा घेवड्याचा वेल (जॅक अँड द बीनस्टॉक) व ‘अंगठ्या’ (टॉमथंब) इत्यादी गोष्टी पाहाव्या. या पुस्तकात इंग्लंड व आयर्लंड या देशाच्या जरा वेगळ्या पण झकास परीकथा दिलेल्या आहेत.


Format: Adaptive

Publisher: वरदा (इ-बुक - सृजन ड्रीम्स प्रा. लि.)